معاناتي مع وكالة الجفالي في الرياض ( ياليت تتفاعلون معي )

مرحبا
انا عضوة جديدة معاكم حبيت اكتب عن معاناتي مع هالوكالة
بدات معاناتي لما خربت سيارتي من نوع فان مرسيدس فيتو 2005 وماخليت مكان عشان اصلحها
وكل يقول مالك الا الوكالة ووديتها لهم رغم خوفي من تلاعبهم اللي سمعت عنه ووقع ماكنت اخاف منه كل مرة اراجعهم يقولون بعد اسبوع ومرة يقولون جتنا قطعة من المانيا بالغلط ومرة وصلنا السيدي بلغة المانية ومانعرف نبرمج السيارة وكل شغلة تاخذ لها اكثر من اسبوعين و المشكلة انه سيارتي عندهم ابغى اطلعها باي طريقة مو عارفة ياليت احد يدلني على الجهة المسؤلة عن وكالة الجفالي حتى احط حد لتلاعبهم
وازيدكم من الشعر بيت مدير الورشة اجنبي الظاهر انه بريطاني ينفخ على زوجي ويقول له روح اشكنا شوفوا الاجانب كيف صارو عارفين انه صرنا مهزلة ولعبة بايديهم حسبي الله ونعم الوكيل
للمعلومية سيارتي خربانة من 5 اشهر ماتحركت وطلعتها من الوكالة واضطريت ارجعها لهم لان الوكالة محتكرة بعض قطع الغيار الله يحكرهم في جهنم

ازيدكم من الشعر بيت كان عندهم سيارة عطلانة نفس سيارتي بس انها لنظام ساهر ماكملت عندهم اسبوع الا وهي طالعة اما انا فمالي ظهر ولا واسطة عشان يطلعون سيارتي وياخوفي على القطع اللي فيها

الله يكون في عون المواطن في هذا البلد

حسبي الله عليهم وهكذا مسلسل التلاعب

بسم الله الرحمن الرحيم

انا موظف سابق بالجفالي

وهذا رقم الفرع الرئيسي بجده

022150050
لكن للاسف ناسي التحويلات لاني تارك الشركه من زمان

بس اللي ابيك تتاكد منه ان اصغر موظف في الفرع الرئيسي بجده يهز مدير فرع الخبر ومدير فرع الرياض

واذا تبي نصيحتي تعب نفسك شوي وود السيارة لفرع الخبر عند مهندس اسمه ميرزا

(لا تنساني بخالص الدعاء في الشهر الفضيل )

تراني مسجل في المنتدى على شان فيدك بس