أحذروا .. بدأت الحرب وأبو جميل سواها .. ؟!

بسم الله الرحمن الرحيم
السلام عليكم ورحمة الله وبركاته ..
كما قلت سابقاً أن الحرب الفعلية لهذه الحملة بدأت فعلياً في هذا الشهر جولاي وتحديداً من 1/7/2009 بدأتها توكيلات الجزيرة بتخفيض مباغت ، أعقبها أبو جميل بتخفيض سري مقداره أربعة الاف ( فيه عزة نفس وكبرياء يستحي يقول انه خفض ) .
أقول كما توقعت لسيناريو الحملة فقد بدأ أبو جميل بتجفيف فروعه من بعض انواع السيارات كما فعله اليوم بسحب جميع الكوامري السياحي المسمى ( الشركات ) والمطور منها وتبقى على glx فقط . والعذر انه نفذ من السوق والحقيقة انها حركة قذرة وسيخرجها من مخازنه في شهر رمضان وسيعمل بعض العروض عليها . سيناريو حقير ومرتب له .. فأحذرو منه . هذه ملخص زيارتي لهذا اليوم الخميس .. هذا والله من وراء القصد ..

شكرا اخوي على التحذير الهام الله يسلمك.
خاصة ان فيه ناس مغفلة مثل اللي احجزوا العام لشراء سيارة اكثر من ستة اشهر عند ابو جميل والله انه اجرم بحق هالمساكين .

الله يستر من عبداللطيف جميل هذا الحرامي واكبر نصاب في السعودية

بس نقول

خلوووووووووووووووووها تصدي ^ ^

شكرا يا الحربي

انا اكره جشع التجار

واكره سكوت الحكومة ووزارة التجارة عنهم

لكن

شايف وملاحظ

ان ابو جميل هو اكثر انسان مبسوط وكسبان من هالحملة اللي كله سب وشتم في ابوجميل

يعني الرجال كسبان حسنات بالكوم وكل يوم من يوم بدأ منتدى خلوها تصدي

اعتقد بدلا من ان نسب ونشتم

نسوي عرايض للحكومة
او مظاهرات وتكسير اي سيارة تويوتا

ولكم تحياتي

وبالتوفيق للحملة بدون شتم

ياشباب اي مظاهرات واي خرابيط حنا هنا نكتب ونقرى ونقاطع بس

وابو جميل هذا مدري وش فيه مايفهم ؟

تتوقعون انها توصيات من المصريين واللبنانين الي موظفهم ؟

أحسن شي خلوووووووووووها تصدي

إحنا أساسا اتفقنا ما عاد أحد يزور هذي الشركة


لأن ذهابك والسؤال عندهم يرفع معنوياتهم ولو ماتشتري

عموما مشكور والله لايهينك بس انتبه

العبره في النهايه ياشباب
يعني ابو جميل سحب السيارات ويقول انه مافي00 طيب شي حلو
نبي نشوف وش راح يقدر يسوي؟؟؟؟
من وجهة نظري ان الرجال قاعد يعمل محاولات فاشله
هو يحسب انه اذا قلت السلعه من السوق راح يزيد الطلب عليها وانا اقله اضغاث أحلام
والله في هذي الفتره بالذات لازم نتكاتف أكثر ونحبط محاولاته اليائسه
شركة تويوتا اليابان لازم تنتبه لهذا الوكيل وإلا فإن الشركه لن تربح
وخلوها تصدي000

مقاطعتهم يعني حتى زيارتهم للمعاض وقفوها --- لكي يتوغل اليأس ولو اوقفنا الزيارات شهر كامل سوف نحقق نتائج

خلوها تصدي